فيه هنا نكت رخمة

موضوع: فيه هنا نكت رخمة الجمعة مارس 13, 2009 8:39 am

اللى عنده نكته رخمه يكتبها بعد طلب الاعضاء لوجود النكت الرخم اقدم لكم هذا المكان بس ربنا يسطر

كان مره فى واحد ماشى بالعربيه بتعته وكان عايز يروح بيته بيحصله حاجه غريبه جدا العربيه وقفت حب يشوف فى ايه لم نزل من العربيه شاف راجل نايم تحت عربيته فراح يقومه فلم قام من تحت العربيه فقال صاحب السيارة مالك وايه الى منيمك تحت عربيتى ساله الراجل وانت ايه الى خلاك تنزل من العربيه قال...اقولكم مش هتعجبكم النكت خلاص كفاى عليكم كده

مره كان في فرخه معلقه بيضه في سلسله ولبساها فصحبتها بتسألها ايه دي؟؟؟؟؟
قالت لها دي صورتي وانا صغيره

فرخة معلقة سلسلة وفيها صورة طبق بيض أومليت ليه؟؟
صورة أخوها الشهيد

بصراحة اول ما قريتها اتخنقت منها
ههههههههههههههههه

مرة واحد مسطول بيعاكس واحدة وحشة اوي بالليل
فهو عمال يقولها يا وحشة ياوحشة..رديت عليه وقالته ليه بس يا مسطول
قالها طيب أنا مسطول وهفوق بكرة الصبح..طب وانتي بقي هتفوقي امتي..؟؟
هههههههههههههههههه
بايخة اوي

غبي معدي قدام مزرعة بقر حب يعرف البقر بيتزرع ازاي..؟؟
دخل يسأل الراجل صاحب المزرعة
فطبعا الراجل لقاه غبي فاشتغله وقاله:تجيب شوية سكر وترشهم علي الارض وتاني يوم هتلاقي البقر طلع
نفذ الغبي كلام الراجل ..وصحي الغبي تاني يوم لقي الارض مليانة نمل
قال يا حلااااوة (البقر وهو صغير حلو اوي)هههههه
بجد والله ماشوفت اغبي ولا ابوخ من كده

مرة واحد ماشي في الشارع لقى واحد عمال يقول:الحقوني الحقوني قاله: في ايه قله: حماتي عايزه ترمي نفسها من الشباك قاله :أنت حمار ماتسبها ترمي نفسها قاله:ما هو الشباك مش عايز يفتح

واحد صعيدي اخد ابنه للدكتور فلما ابنه دخل يكشف طلع الدكتور يقول لبلدياتنا ان ابنه مات فطلع الولد يقول لابوه انا ممتش يابا فرد ابوه يقول له انكتم ياله انت هتفهم احسن من الدكتور ؟؟؟

شيخ طلب دلفرى جاله الولد ودخل المسجد بالجزمه فقال له الشيخ انت مؤمن قاله لآ هارديز

مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض

واحد انجليزي وواحد فرنساوي وواحد صيني راحوا يجربوا صدى الصوتالانجليزي قال هاللو فرد عليه صدى الصوت و قال: هالوووو هالوووو هالووووالفرنساوى قال بنجور رد عليه صدى الصوت و قال: بنجوووور بنجوووور بنجوووورالصينى قال شونجا كونجا هونجاهى فرد عليه صدى الصوت و قال: ايييييييه ايييييييه

بس بجد دي ضحكتني
ههههههههههههههههههههه

غبى شاف مقهى انترنت مكتوب عليه الساعه بــ 3 جنيه .... دخل يسأل هي ضد الماية ؟

واحد سباك نفسه اتسدت غرقت الشقة

في مجموعة بخلاء مشوا على الكورنيش لقيوا لوحة مكتوب عليها منطقة قروش قاموا كلهم نطوا في البحر

مره واحد صعيدى أتخنق من مراته ولع فى نفسه وحضنها
هههههههههههه والله جدع

اتنين مساطيل طالعين في الأسانسير واحد بيقول للتانى 'هو الاسانسير بطىء كده ليه؟' قاله 'يمكن طالع على السلم

ليه المنبه بيرن؟ عشان معوش رصيد يتصل

مرة واحد حانوتي بطل شغل وفتح محل فكهاني كتب يافتة على المحل بتقول المـــــوز علينا حــــق

واحد بيسال صاحبه هو ايه الفرق بين تجارة الحشيش وتجارة عين شمس ؟
قام صاحبه قال تجارة عين شمس 4 سنين انما تجارة الحشيش اقلها 25 سنة

واحد بلدياتنا ماشي تحت الكوبري ورافع ايده ليه؟
عشان الكوبري مسلح

مرة فيل اتجوز نمله وبعد ايام زهق منها فقالها انتي طالق فقالتله والفيل اللي في بطني

في واحد تاجر مخدرات راح يخطب عروس سألوه شو بتشتغل ؟ قالهم ' فني تكييف

سامحوني

معلش بقي نكت رخمة بس هو ده الي مطلوب هن

ولكن
انتظروا المزييييييييد

واحد ندل ابوه طرده من البيت رجع كتب على باب بيتهم " مقر تنظيم القاعده

واحد ندل قعد سنه يتحايل على حبيبته عشان تخرج معاه ولما خرجت راح قال لابوها

واحد ندل عينوه مدرس فى مدرسه معوقين حط اول حصه العاب رياضه " قفز حواجز

واحد ندل الدوله خصمت نص راتبه كتبرع للانتفاضه راح اتبرع بالنص التانى لاسرائيل

واحد ندل وصلته النكت دى ومبعتهاش

وصلتني انهاردة علي الميل

بجد نكت بايخه اخر حاجه تسلم ايدك واتمنى ان تكون النكت القادمه اكثر بياخه هههههههههههههههههه
بس بجد انتى مالكيش حل

تسلم ليا يا زيزو
بس مهما ضحكت علي بواخة النكت عمرنا ما هنضحك زي ما بضحك انا وانت في كلامنا
ههههههههههههههههههههههه

مره واحد عداه العيب خد الى بعده

¨ مرة واحد دماغة لفت قابلها من الشارع التانى

¨ واحد اتجوز واحدة اسمها نعمة باسها وش و دهر

¨ مدير مدرسه عمل فرح وزع على المعازيم أرقام جلوس [/size]

مرة واحد بلدينا ندي علي بتاع الانابيب قاله :هات انبوبة هنا
جالوا بتاع الانابيب قالوا اهي الانبوبة فين الانبوبة الفاضية
قالوا لا هشربها هنا هههههههههههه
بجد بايخة

مذيعة قابلت اتنين مساطيل سالت الاول انت ايه رايك في مصر
رد عليها وقلها مصر دي امي
سالت التاني وانت ايه رايه:قالها مقدرش اتكلم علي ام صحبي