كل البنات غلابة

موضوع: كل البنات غلابة الأحد مارس 08, 2009 9:19 pm

كل البنات الوقتي غلابة

لا كلمة حلوة وحتي طيابة

لو رحتي يا أما ورحت يا آبا

ما هينفع جيرة ولا قرابة

لا سند لينا ولا اي مهابة

ولا كلمة حلوة حتي لو كذابة

الكل عايزنا من غير عقول

نقول حاضر بس علي طول

لا حق لينا في رفض ولا قبول

مين خايف مين باله علينا مشغول ؟؟

روحي المدرسة وارجعي علي البيت

لحد ما تتخرجي وتقعدي جمب الحيط

لحد ما يجي عريسك ونسمع الزغاريط

وتروح يبيته وبرضه حاضر ونعم وممنوع التنطيط

اسمعي كلامه دة راجلك وضله ولا ضل حيط

ويجي العيال وااااه من تربيتهم واااه من العييط

ويكبروا ويتجوزوا وينسوا اني خلفت وربيت

لحياتهم يروحوا واناغلبي باين حتي للعبيط

ويوم ما اموت يبكوا شوية وينسوا

وفي ثانية تيجي غيري تنورله البيت

وبعد البكا نسمع الغنا والزغاريط

ودي كانت حكايتنا كلنا يا غلابة

من غيرك يا امي من غيرك ياآآبا

لا عرفت حنية ولا دوقت طيابة

رحتوا وسبتوني

وسلمولي بقي علي القرابة

بجد حلو اوى اوى اوى ومش علشان انا متحيزة للبنات ولا حاجة بس لان طريقة سردك لتفاصيل حياة بنات اكيد معينة مش كل البنات عجبتنى اوى
وبينى وبينك يامحمود مش كال البنات غلابة

هههههههههههههههه
كلام جامد اوي اوي
والله فعلا هي دي الحياة يا محمود
بس هي فعلا يا جوليت مبقتش غلبانة اوي دلوقت
لان نزلت واشتغلت وبقت في مراكز مرموقة كتير وحققت طموحها
وكمان بقت بتختار الزوج الي علي مزاجها وكمان بتخلعوا بمزاجها ههههههههه
ربنا يكون في عونا يا بنات وفي عنكوا يا رجالة

والله الموضوع كتير حلو بس انا مش مع الرأى اللى بيقول ان البنات غلابه خالص
احتمال ان يكون هناك بنات غلابه بس بنسبه قليله جدا جدا
وانا متفق معاكى يامونى فى حته ربنا يكون فى عونا مش فى عونكم انتم
كفايه موضوع الخلع ده فى دلع اكتر من كده
وبعدين شهد شاهد من اهلها كفايه ان جولييت قالت مش كل البنات غلابه هههههههههه

ههههههههههههههه
شكرا ليكم ع التعليقات الجميلة دي

غلابه مين يا ابني باين عليك انت اللي غلبااااااااان الكلام ده كان ينفع تقوله من 50 سنه لكن دلوقتي لا الكلام ده مش موجود وانصحك تكتب موضوع وتسميه كل الرجاله غلابه

هو الموضوع جميل وفكرته جديدة بس انا موفق فى حجات وحجات لا
اولا مفيش حد غلبا لان الغلبا ده هو الا معهوش فلوس فالفقراء كتير
بس ولا البنت تنفع تكون غلبانه ولا الولد ينفع يكون غلبا مع اختلافى معاك يا محمد صلاح

الا عايز يعمل حاجة بيعملها والى بيزمر ما بيخبيش دقنه

ومافيش حد فى الزمان ده طيب الطيبين كتير ماشى بس الطيب انا عارف موجود موفق بس من البيت للمدرسة كده منغرير وهى ريحه البيت شافت حسام مساء الخير مساء النور بس خالص معلتش غير كده وهى طلعه البيت شافت محمود ازايك يابطه ازاى يا حوده وهكذا وهكذا انا مشفتش حد خالص ولا البنت شافت ولا الولد شاف امل اناس الوحشة فين
!!!!!!!!!!!!!!!!!!!!!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وعلى راى شعبله
بس خلاص

واضح ان العضو ايمن ما فهمش الموضوع كويس وانصحه يقرا الكلام كويس قبل ما يوافق او يختلف واعتقد اني مش محتاج اوضح اني كنت بتريق على حكاية ان البنات غلابه وشايف ان الرجاله اللي يفتكروا البنات غلابه يبقى هما اللي غلابه يا عيني

بالنسبه لان اللي عايز يعمل حاجه يعملها وان اللي بيزمر ما بيخبيش دقنه اعتقد انك كنت تقصد ترد على موضوع تاني يا ايمن والكلام جه هنا غلط

لا انا شايف ان راى فى محله بس انت يا محمد ياصلاح الى مفهمتش كلامى
انا بقول ان الا فاكر البنت غلبانه غلطا والا فاكر ان الولد غلبا غلطا

واسهله اكتر على شان اناس الى عقلها على قدها

البنات سيحين على الولاد والولاد سيحين على البنات متعرف مين الولد ومين البنت

ابسطها اكتر

البنت بتشتغل والولد بيشتغل
هى بتعرف ولاد وهو بيعرف بنات
وكل حاجة بيعمله الولد بتعملها البنت

الا عايز يعمل حاجة بيعملها والى بيزمر ما بيخبيش دقنه
انا قلتها على اساس ان كل بنت تيجى على ثلت او ربعه كليه او معهد او اى شى بس فى العمر ده تلبس الحجاب و متعرفش حد من الولاد الى فى الكليه وتقول الى عايز يعرفنى بيتنى مفتوح وبابا موجود بس انا مش هسلم على حد ولا همشى مع حد وبابا وماما يقوله عنده ان بنته الوحيده الاخلاق المقدبه الا الا الا دى بتعرف ربنى كمان وكده يعنى وهو قاعد فى البيت عامل نفسه ميعرفش حاجة ال يعنى العريس الا جاى عرفها ازاى الى لو كان اتكلم معاه او شاف تفكره

اما بنسبه للولاد فان مختلف معاك فيها
لان خلاص مافيش ولد بيجى بابا او ماما تخطبله خلاص خلصة الحكايه دى ومبقاش حد بيخاف من اهله شوف الفلم بتاع سالسيد امين انتى مخلفتيش رجاله يامين اسيد احمد عبد الجواد شوف بابا زمان كان ازاى وماما كانت ازاى ده الى ابوك وبوى عاشو فى بس احنا فى عصر النت يعنى ترفع سناعة التليفون من اى موبايل بابا انا تجحت بابا انا رايح مارينا مع اصحبى وهو خلاص طالع طالع مش محتاج اى موفقه من ابوه مع مين يابنى مع توتو ولولو

ويروحه يجيبوا بنات فى الشقة والعيش كول يامان

وكل اب وكل ام عرف ابنهى وبنتهى بيعملوا ايه بس بيكبره على شان البنت تجوز على شان الواد بطلع حرك وطاطا
وكده يعنى

كان زمان الولد ولد والبنت بنت
مافيش الكلام ده الوقت
ده كلامى وده الى كانت عايز اقوله
يارب يكون المعنى ده هو الا كان عندك واذا لم يكون هو فاسف على انى مفهمتوش كويس لانه كان عايز شرح كتير وانا اسف لانى طولة عليكم

ان وصلك حاجة غير كده فمن عندك مش من عندى

اما فى نصيح عايز اقلهالك هتنفعك فى حياتك يامحمد فى فرق كبير جدا

بين

لما اجى اطلب من واحد القلم فيقلى اتفضل اى خدمه تانى طب اسعدك فى حاجه طب مش عايزمن اى خدمه القلم وصحاب القلم تحت امرك والامر لله واحد

ولم اجى اطلب منك القلم تقلى خد اهو اف مش ممكن كده روح اشتروا اقلام هتخلص القلم وترميه فى وش الناس الى امامك

فى كلتى الحالتين اخذ القلم بس الطريقتان مختليفين كتير جدا

وانا عارف ان دى مش طرقتك فى القلم
!!!!!!!!!

واسف تانى لان فى بنات وولاد كتيره عرف ربنا صح وعرفى الاخلاق صح
الدنيا فى من كل شى كده وكده الابيض والاسود والرومادى فى كل حاجة انت عايزها فى الخير وفيه الشر

حبى وتقديرى لكم
مدير المنتدى
أيمن صالح

يااااااااااااه يا ايمن كل ده شايله في قلبك وساكت صعبت عليا يا ابني والله انا عارف يا حبيبي انك شايف رايك صح والا ما كنتش كتبته بس الموضوع اساسا ابسط من كده ومش مستاهل كلامك ده كله لانك اديته اكبر من حجمه وكان ممكن توفر محاضراتك دي لمواضيع تانيه تكلم فيها الناس العباقره اللي فهمهم مش على ادهم عشان يقدروا يفهمو الكلام المهم اوي اللي انت بتقوله

ده كويس انك انت فهمت معنى كلامى البسيط وفهمت الكلام التانى

بصراحة يا ايمن عجبني كلامك ده جدااااا جداااااا
بس علي راي العضو محمد صلاح انت كبرت الموضوع اوي
بس بصراحة رايك راي ممتاز ويحترم

شكرا

شكرا ليك يا ايمن ع المشاركة
وشكرا ليك يا محمد
وشكرا ليكي يا ايمان ع المتابعة
ويا ريت نهدي بقي
لان الموضوع ف الاول وف الاخر راي

» *(اخر البنات المحترمين)*