خاصمني

موضوع: خاصمني الأحد مارس 01, 2009 6:36 am

من غير سبب خاصمني
وأنا مش أد الخصام
لو غلطان كان عاتبني
لكن يبعد حرام

مش عارف بس ماله
نفسي أفهم ايه جراله
ياريته كان يقولي
وانا هسمع الكلام

قولوله بلاش يسيبني
من غير ما يقولي ليه
يلومني ويحاسبني
لو كنت غلطت فيه

لو كان تقلان عليا
وهيرجع تاني ليا
قولولي وفهموني
وأنا هبدأ بالسلام

موضوع: رد: خاصمني الأحد مارس 01, 2009 11:53 am

ههههههههههههه حلوة اوى اوى اوى سعات مبيكنش خصام يامحمد سعات بتبقا وصلت لمرحلة انت متاكد فيها انك ملكش لازمة عند الناس اللى قدامك او هما مش عايزينك فلازم تبعد عنهم علشان بس تافظ على اللى فاضل من كرامتك

موضوع: رد: خاصمني الأحد مارس 01, 2009 2:11 pm

خصام او مش خصام
بعدك عني حرام
مقدرش استغنى عنك
يلا ارجعلي اوام

انا عمري ف يوم ما هقدر
اتحمل بعدي عنك
ولا عمري كنت افكر
انك تحرمني منك

ارجوك اوام سامحني
بعدك عني جارحني
انا من غيرك يا عمري
نسيت الابتسام
خصام او مش خصام
بعدك عني حراااااااااااااااام

بشكرك جدا يا جولييت على ردك ومبسوط جدا انها عجبتك لاني حاسس كل كلمه فيها وكاتبها من قلبي وكنت بتمنى ان احساسي ده يوصل ويتحس وعايز اقولك ان فيه سؤال سألته كتير اوي لنفسي ومش عارف لحد دلوقتي اجاوب عليه كتير سألت نفسي الحب اغلى ولا الكرامه وكنت بسمع ناس يقولوا الحب مافيهوش كرامه وناس تقول الحب اقوى واغلى وناس تقول لا الا كرامتي وان الكرامه اغلى من الحب ولو الحب ده هيدوس على كرامتي يبقى ندوس عليه ونحافظ على كرامتنا وانا مش عارف اصدق مين بس فيه وقت حسيت ان كرامتي غاليه عندي اوي ومسكت ورقه وقلم وحاولت اكتب موضوع بعنوان اغلى من الحب وكنت اقصد الكرامه ولقيت نفسي ماكتبتش ولا كلمه ماكتبتش غير العنوان لقيت نفسي مش قادر اقول ان كرامتي اغلى من حبي مع اني كنت حاسس ده بس في نفس الوقت مش قادر انسى حبي ولا قادر ادوس عليه ولا قادر استغنى عن اللي بحبه حتى لو هو مش عايزني وبقول لنفسي يمكن يكون محتاجلي يمكن يكون بعدي هيجرحه يمكن اكون ليا لزوم عنده بس بشكل تاني وانا راضي بأي شكل عشان بحبه يمكن يكون قربي منه هيحافظ على كرامتي مش العكس يمكن حاجات كتير اوي المهم ان عمري ما اخدت قرار بالبعد لان القرار ده بيكون صعب عليا جدا وبنصح اي حد قبل ما يقرر يبعد يفكر كويس ويراجع نفسه يمكن يكون غلطان ويمكن يكون هيظلم نفسه ويظلم غيره ويمكن يكون حفاظه على كرامته في قربه مش في بعده

موضوع: رد: خاصمني الأحد مارس 01, 2009 2:47 pm

اكيد انا معاك ان الحب مفيهوش كرامة يعنى انا ممكن اسامح فى كرامتى وبردة عندك حق ان قرار البعد دا صعب اوى اوى بس بردة سعات بيكون لازم لان اللى قدامك هو اللى مش عايزك يعنى بردة خرجنا من نطاق الكرامة وطبعا بعدنا عن الحب وفى كل الاحوال انت بتختار سعادة اللى قدامك وبس لما بتحس انو هيكون مرتاح من غيرك لازم تبعد

موضوع: رد: خاصمني الإثنين مارس 02, 2009 6:46 am

اذا انسان يحب انسان وبعد كده ينسى بكل سهوله

اكيد مينفعش

اكيد هو الا ما كان بيحبه لان الحب هو الاخلاص

يعنى الذى يحب يغفر حتى الخطيئة والذى يكره لا يفتكر حتى النصيحه

موضوع: رد: خاصمني الثلاثاء مارس 03, 2009 1:59 pm

كثيرا ما نجني على انفسنا ونشكو من الزمن كثيرا ما نتسبب في شقاءنا وشقاء من نحب ونعتقد ان هذا هو الافضل نختار لانفسنا العذاب على امل ان نسعد من نحب ونحن نتعسه ونتعس انفسنا ولا اعرف ماذا اطلق على هذا هل يمكن ان اقول عنه غباء عاطفي ام هو اكثر من ذلك هناك كثير من الناس ينقبون عن الشقاء ويجرون وراءه دائما وهم يندبون سوء حظهم ويقولون ان الزمن ظلمهم وان الحب اعطاهم ظهره فارجو الا نكون منهم وان نفكر كثيرا قبل ان نتعس انفسنا ونتعس من حولنا فكثيرا ما نحكم على قلوبنا بالاعدام ونقتل اجمل احاسيس بداخلنا سواء باعتقاد اننا نحافظ على كرامتنا او اعتقادا منا ان الطرف الاخر لا يريدنا بجواره ونرحل بعيدا قبل ان نتأكد ونندم بعد ذلك حيث لا ينفع الندم

موضوع: رد: خاصمني الثلاثاء مارس 03, 2009 2:04 pm

الذي يحب يغفر حتى الخطيئه والذي يكره لا يتذكر حتى النصيحه

جمله رائعه سأضعها امامي كثيرا واشكرك عليها بشده يا ايمن ولو اني اذا امنت بها فيعني ذلك انني لم اقابل من يحبني ابدا وان كل من ادعو انهم احبوني اما كانو يخدعوني او انهم لم يعرفو معنى الحب

موضوع: رد: خاصمني الثلاثاء مارس 03, 2009 4:09 pm

والله عندك حق يامحمد الجملة فعلا رائعة
عموما انصحك تدور تانى من جديد على حد ياما بيعرف يحب بجد يما يكون بيحبك بجد وانشاء الله تلاقى قريب

موضوع: رد: خاصمني الأربعاء مارس 04, 2009 9:52 am

اشكرك جدا يا جولي على نصيحتك بس اسف جدا مش هقدر استفيد منها لاني مش عايز ادور ولا عايز الاقي

موضوع: رد: خاصمني الجمعة مارس 13, 2009 2:26 pm

ما اجمل الصلح بين الاحباب بعد الخصام