الله الرسول محمد الاسلام

الله الرسول محمد الاسلام

مرحبا بكم في منتديات اصحاب ولا
 
الرئيسيةمكتبة الصورالتسجيلدخول

شاطر | 
 

 طرق الزواج في مصرعلى مر التاريخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أيمن محمد السيد صالح عيد
Admin
avatar

عدد الرسائل : 325
العمر : 33
نقاط : 9797
تاريخ التسجيل : 09/01/2009

مُساهمةموضوع: طرق الزواج في مصرعلى مر التاريخ   الأحد أبريل 26, 2009 6:51 am

>
> طرق الزواج في مصرعلى مر التاريخ
>
>
> مصر الفرعونية
>
> بابا انا عايز اتجوز اختى حت حور
> خلاص يا ابنى خليها تنقل حاجتها فى اوضتك.. وابقى هاتلها حجرين صوان هدية..
> مبروك يا تاح
>
> مصر فى عصر الرومان
>
> تتجوزينى يا افروديت
> اتجوزك يا بانسيلوس
> يللا بينا نبنى كوخ ع البحر ونعيش هناك يللا
>
> مصر بعد
الفتح الاسلامى
>
> ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة..
> ويقدم مهر بعير
> والله خالد ولدك زين الرجال .. وايش اتمنى غير رجل صالح يكون زوج لبنتى
> .. وكما قال رسول الله صلى الله عليه وسلم ' ان جاءكم من ترضون دينه
> وخلقه فزوجوه ' .... قيموا الافراح
>
> مصر 1919
>
> انت ح تتجوز بنت الحاج عبد الجليل .. انا كلمته خلاص ووافق .. وضب اوضتك
> وهات خلخال .. فرحك يوم الخميس اللى جاى
> طب مش اشوفها الاول يابا
> انت اتجننت يا ولد تشوفها ده ايه .. انت ح تتجوز والا تخبص
> حاضر يابا
>
>
مصر 1960
>
> بقى يا ستى بنتك آمال جالها عريس
> ياألف نهار ابيض يا ألف نهار مبروك
> جدع طيب وابن حلال موظف فى الحقانية .. وماهيته مش بطالة .. اهو يبنوا
> حياتهم سوا بعد الجواز.. والا ايه رأيك يا أم العروسة؟
> الرأى رأيك يا أبو العروسة .. والله العيال ح يعجزونا يا ابو محمد
> فشر .. تدبل الوردة وريحتها فيها يا نرجوستى
>
> مصر فى عصر الانفتاح
>
> اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
> بس يا ماما
> ما فيش بس.. انا وابوكى قبل ما يموت فى الحرب كانت بتعدى علينا ايام ما
>
بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى
> ح تتجوزى فتحى ابن خالتك
> بس انا مش بحبه يا ماما
> الحب ما بيأكلش تونة فى الزمن ده يا فالحة
> امرك يا ماما
>
> مصر 1990
>
> البنت: بابا ريكو حييجى يقابلك بكره وهو راجع من المول مع ديدى
> متتكلمش معاه فى اى ماديات من فضلك انا بشترى راجل واحنا معانا كتير
> وبعدين الكلام فى المهر والعفش والقايمه والفرح ده موضه قديمه وحاجات بلدى ياى
> انا اتفقت معاه على كل حاجه والفرح فى كافيه ماريانو فى المعادى على الضيق كده
> وانا جيت اعزمك انت
ومامى
> الاب: مبروك يا حبيبتى
>
> مصر 2008
>
> بابى دودى على اللى اتعرفت عليه من الشات مشغل الويب كام و عايز يكلمك
> علشان يقراء معاك الفاتحه
> اصله ملتزم اوى و مصمم يدخل البيت من ماسنجره اقصدى من بابه
> الاب: على خيرة الله يا بنتى ده شكله فعلا ملتزم روحى شغلى الكاميرا و الميك
> واناهلبس انا و مامتك ونجى نقراء الفاتحه
> مش انتوا اتفقت على كل شى يا روحى يلا ربنا يتمملكم بخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aymansaleh.ahlamontada.com
 
طرق الزواج في مصرعلى مر التاريخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الله الرسول محمد الاسلام :: الفئة الأولى :: احلا الكليمات :: . اتكلم براحتك-
انتقل الى: