حكاية ذنب وقلب

حكاية ذنب وقلب
وقف الاستاذ ذنب قدام المراية يتقمع
على فين العزم ان شاء الله؟؟
على قلب واحد صاحبنا ... حاله كده ميسرش ... بقاله فترة منضبط من غيري .. والحال ده ميعجبنيش
آآآه ... طيب شد حيلك بقى ... ابليس معاك
راح الذنب وقعد يتسحب لحد ماوصل باب القلب
خبط على القلب تك تك تك
مين على الباب؟؟؟
افتح انا عاوزك
مين انت الاول؟؟
افتح بس مش هتخسر حاجة بص حتى عليا بصة كدة..
آآآآآآآآآآآه ياخسارة
فتح القلب بابه بس كانت فتحة صغيرة أوى ويدوب بيبص منها
اتخض القلب من شكل الذنب
يااااااااااادى المصيبة ... هو انت؟؟
أيوة أنا... ايييه ؟؟ مش هتدخلني ولا ايه؟
ياعم بقى كبر شويه .. انا بس هقعد معاك شوية صغيرة كدة هنظبط المسائل تانى واسيبك
هتخسر ايه يعنى؟ وابعدين يا عم ابقى استغفر وخلاص
كشر القب وقال : لا مش هفتح ... انا مش عاوزك .. وامشى بقى
الذنب قال بتحدى : لالالالالالالا كدة مينفعش .. شوف بقى يا حلو .. أنا مش هسيبك .. وراك وراك وهدخل يعنى هدخل
القلب ابتسم كدة وقال للذنب وهو واثق : اصل لو تعرف مين الجوايا ..؟
الذنب رد بخباثة : هيكون مين يعنى .... اييه حبيبتك ؟ خير وبركة
القلب رد وقال : لالالا وانت الصادق ... ده حبيبى .. ليك حق متعرفوش
فكر كدة شويه ؟؟
قعد الذنب يفكر .. يفكر
وفجأه وشه جاب ألوان وعينيه طلعت بره وركبه بقت تخبط فى بعض
وبصوت مبحوح قال : يااااااااااخبر ... انت تقصد مين .. رررربنا ؟
واخد ديله فى سنانه وجري
القلب ابتسم كدة وقال : مش قلتلك امشي من الأول
يا مجنون مين يقدر عليا ... وانا قلبى عامر بالله ؟

جميل اوى يامونى واتمنى بجد اننا كلنا يكون قلبنا عامر بالله ونبعد عن الذنوب
جزاكى الله كل خير

جميلة اوى يا مونى وفعلا القلب العامر بحب ربنا بيكون محصن من الذنوب

اللهم اجعل قلوبنا عامرة بذكرك واعمالنا خالصة لوجهك الكريم اللهم امين
جزاكى الله كل خير يامونى

شكرا ليكم جميعا
زيزو
مانو
جوليت
وجزاكم الله خيرا وتقبل دعائكم