الله الرسول محمد الاسلام

الله الرسول محمد الاسلام

مرحبا بكم في منتديات اصحاب ولا
 
الرئيسيةمكتبة الصورالتسجيلدخول

شاطر | 
 

 كهربني يا دكتور كهربني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Romeo
مشرف عام
avatar

عدد الرسائل : 628
العمر : 33
نقاط : 10169
تاريخ التسجيل : 12/01/2009

مُساهمةموضوع: كهربني يا دكتور كهربني   الإثنين أبريل 06, 2009 9:23 am

انا الدكتور حسن مسعود اكبر طبيب امراض نفسيه وعصبيه في مصر كلها قضيت عمري كله في الطب النفسي فتحت عيادات كتير واتبنت على ايدي مستشفيات اكتر وحققت انجازات واكتشافات كتير وكمان عملت نظريات حديثه غيرت مفهوم الطب النفسي القديم وقدمت وسائل علاجيه حققت طفره كبيره ونتائج مالهاش مثيل ولولا اني مش بحب اتكلم عن نفسي لاني متواضع كنت حكيت كل انجازاتي لكن المهم دلوقتي اني احكي عن خبراتي والمواقف الكتير اللي شفتها في شغلي طول السنين اللي فاتت والحالات الغريبه والعجيبه اللي مرت عليا وخصوصا بعد ما اتفرغت دلوقتي للكتابه وخصصت وقتي كله للمقالات الصحفيه وتأليف الكتب وحضور الندوات والمؤتمرات والظهور في البرامج التليفزيونيه وكل ده طبعا عشان يستفيدوا من خبرتي ومن حسن الحظ اني لسه محتفظ بكل الاوراق اللي سجلت فيها الحالات اللي اتعاملت معاها من يوم ما بدأت شغلي لحد النهارده ورغم الحالات الكتير اوي اللي عدت عليا الا ان فيه حالات فيها فاكرها بكل تفاصيلها ومش ممكن انساها ابدا ومن الحالات دي حالة محمود كهربا اقصد محمود خالد اللي كان بيحب يتكهرب والمريض ده مش عارف ليه اتعاطفت معاه جدا وكان صعبان عليا اوي ولما احكيلكوا حكايته اكيد هيصعب عليكوا انتوا كمان...
في يوم كانت العياده زحمه اوي وكنت مش عارف ايه الحكايه بالظبط هي البلد كلها اتجنت ولا ايه والناس كلها بقت اعصابها تعبانه بس انا طبعا كنت مبسوط واهو كله مصلحه وكان يومها الجو برد اوي وكنت حاسس اني هتجمد وكان معايا مريض بارد اوي كان هيشلني بصراحه من كتر بروده وكنت خلاص قربت اتخنق عليه لولا ان حنان الممرضه بتاعتي دخلت عليا فجأه وهي بتجري وقالتلي الحقني يا دكتور فيه عيان قالب الدنيا برا ومصمم يدخل قلتلها فيه هنا نظام يدخل في دوره قالتلي ما ينفعش واضح ان عنده نوبة صرع تقريبا وحالته صعبه اوي وبيقول عايز يتكهرب قلتلها ازاي يعني يتكهرب قالتلي مش عارفه هو قاعد يزعق ويتنطط ويقول انا عايز اتكهرب كهربوني هاتولي الكهربا قلتلها بسيطه خليه ينزل يمسك في اي عمود نور ويخلص ونبقى ارتاحنا منه المهم بعد كلام كتير بيني وبين الممرضه قلتلها دخليه وزحلقت الواد البارد اللي كان عندي وقلت يمكن من كتر البرد عايز يتكهب عشان يتدفى واول ما دخل عليا محمود لقيته بيقول كهربني يا دكتور كهربني والنبي كهربني ابوس ايدك عايز اتكهرب قلتله طب اقعد يا ابني الاول وفهمني انت عايز تتكهرب ليه وفضل يتنطط برده ويقولي كهربني يا دكتور كهربني وكان شكله مبهدل اوي وعباره عن هيكل عظم وهدومه مبهدله وواسعه عليه وكانه شاحتها وشعره واقف ووشه مشفوط وعنيه حمرا وطالعه لبرا يعني باختصار شبه العفريت وفهمت بقى ان حنان خافت من منظره فقالت تدخلهولي عشان تخلص منه المهم انا حاولت اهديه وبصعوبه اوي قدرت اقنعه ياخد حقنه مهدئه وقلتله احكيلي بقى بالظبط انت عايز تتكهرب ليه ماردش عليا وطلعلي صوره من جيبه وقالي شايف دي بصيت في الصوره لقيت بنت اموره وجنبها شاب وسيم قلتله مالها حلوه مين البنت دي قالي دي حبيبتي قلتله ومين اللي جنبها ده قالي انا قلتله يا ابني فوق معايا وبص كويس مين ده قالي انا يا دكتور انا ما تبص انت كويس بصراحه انا شكيت فيه قلت اكيد الواد بيشرب حاجه او بيشم فعلا شكله شمام والواد اللي كان في الصوره ده كان ابيض ووشه منور وشكله كويس مافيش اي شبه بينه وبين محمود لان محمود ده كان وشه ازرق غامق ومش باينله ملامح وما كنتش مقتنع ابدا ان ده هو نفسه اللي في الصوره وبعد ما اثبتلي وطلعلي صوره كلها وكارنيهاته وبطاقته اكتشفت انه فعلا نفس الشخص وساعتها صعب عليا اوي قلت ايه اللي وصله بس لكده وعرفت بقى من حكايته ان حبيبته دي هي السبب وان هو كان بيحبها جدا وكان عايش معاها اجمل قصة حب ومحمود ده كانت مشكلته ان مشاعره رقيقه اوي وانه كان مر باكتر من تجربه فاشله قبل ما يقابل حبيبته الاخيره دي ولما عرفها افتكر ان هي دي اللي هتعوضه عن كل اللي فات وللاسف حالة محمود كانت صعبه جدا لدرجة اني ماقدرتش اعرف منه تفاصيل حكايته مع البنت دي ولا حتى قدرت اعرف هي عملت فيه ايه بالظبط كل اللي عرفته انه كان بيحبها وانه اتصدم فيها وانه مش قادر ينساها وبيتعذب طول ما هو فاكرها وانه عايز يتكهرب عشان ينساها لان هو قرأ كتاب ليا شرحت فيه ازاي ممكن استخدم العلاج بالكهربا بطريقه تخليني انسي المريض حاجه معينه او اقضي على سلوك معين وجربتها كتير وحققت نجاح كبير جدا ومحمود ده كان مش عارف ينام ولا عارف يعيش حياته بسبب انه شايف صورة حبيبته دايما ادامه وبيفتكر اللي هي عملته فيه وده حطم نفسيته وسببله انهيار عصبي وخلاه مش قادر يتحمل وعايز ينساها باي طريقه وفعلا ماكانش فيه حل تاني غير اني استخدم معاه العلاج بالكهربا وكان مستعجل اوي لدرجة انه صمم ياخد اول جلسه كهربا في اول يوم جالي فيه وكانت الجلسات عباره عن اني بحطه في اوده ضلمه خالص واجيب صورتها ادامه وفجاه انور نور بسيط على الصوره بس واول ما يشوف الصوره اديله صعقه كهربيه عشان يربط بين الكهربا وبين الصوره يعني يربط بين انه يفتكرها وبين الالم الكبير اللي بتسببه الكهربا لحد ما ينساها عشان ينسى الكهربا والغريب اني كنت كل ما اديله جلسة كهربا يفضل يصرخ ويقول كهربني يا دكتور كهربني وفضل ياخد جلسات كهربا 3 سنين لدرجة انه بقى معروف عندي في العياده باسم محمود كهربا وبصراحه محمود ده عقدني وحسسني اني فاشل لاني ما حققتش معاه اي تقدم وكل اللي حصل انه بقى مدمن كهربا وبرده ماقدرش ينسى حاجه خالص ومن كتر جلسات الكهربا اثرت على مخه وبعد ما بطل يجيلي العياده سمعت انه بقى ماشي في الشوارع يصرخ في الناس ويقول كهربني يا دكتور كهربني ولما يهدي شويه يروح يلعب في الشارع مع العيال لعبة كهربا ودي كانت نهاية محمود خالد الشهير بمحمود كهربا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
juleat

avatar

عدد الرسائل : 640
العمر : 33
نقاط : 10179
تاريخ التسجيل : 14/02/2009

مُساهمةموضوع: رد: كهربني يا دكتور كهربني   الإثنين أبريل 06, 2009 9:29 am

وبصراحة محمود دة عقدنى وحسسنى انى فاشل لانى محققتش معاه اى تقدم

لا تعليق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MANOOO

avatar

عدد الرسائل : 103
العمر : 32
نقاط : 9663
تاريخ التسجيل : 16/03/2009

مُساهمةموضوع: رد: كهربني يا دكتور كهربني   الإثنين أبريل 06, 2009 10:58 am

الواضح كدة ان الاستاذ محمود كهربا عاجبة حالة كدة لان لو هو زى ما بيقول ان حبيبتة غلطت فية وجرحتة كان هاينساها مش يفضل مستمتع بالالم
لكن الدكتور كتر خيرة بصراحة Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Romeo
مشرف عام
avatar

عدد الرسائل : 628
العمر : 33
نقاط : 10169
تاريخ التسجيل : 12/01/2009

مُساهمةموضوع: رد: كهربني يا دكتور كهربني   الإثنين أبريل 06, 2009 11:18 am

MANOOO كتب:
الواضح كدة ان الاستاذ محمود كهربا عاجبة حالة كدة لان لو هو زى ما بيقول ان حبيبتة غلطت فية وجرحتة كان هاينساها مش يفضل مستمتع بالالم
لكن الدكتور كتر خيرة بصراحة Very Happy

محمود كهربا شخصيه موجوده كتير في الحياه يمكن نكون بنشوفها وبنتعامل معاها ومش حاسين بيها ولان دايما اللي ايده في الميه مش زي اللي ايده في النار كلنا بنجيب الغلط عليه وبنزود عذابه والمه لحد ما تكون نهايته مش بعيده عن نهاية محمود كهربا وفي القصه هنا الدكتور فعلا عمل اللي عليه واداله الالم اللي هو محتاجه واللي طلبه بنفسه لكن فيه دكاتره تانيه بتطوع من عندها وتديله عذاب زياده وتنوعله بقى ما بين الكهربا وحاجات كتير اصعب وابشع من الكهربا
شكرا يا مانو على التعليق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Romeo
مشرف عام
avatar

عدد الرسائل : 628
العمر : 33
نقاط : 10169
تاريخ التسجيل : 12/01/2009

مُساهمةموضوع: رد: كهربني يا دكتور كهربني   الإثنين أبريل 06, 2009 11:21 am

juleat كتب:
وبصراحة محمود دة عقدنى وحسسنى انى فاشل لانى محققتش معاه اى تقدم

لا تعليق

شكرا يا جولي على مرورك ولو اني بستنى تعليقك دايما على اي حاجه بكتبها وكنت اتمنى اعرف رايك بصراحه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Romeo
مشرف عام
avatar

عدد الرسائل : 628
العمر : 33
نقاط : 10169
تاريخ التسجيل : 12/01/2009

مُساهمةموضوع: رد: كهربني يا دكتور كهربني   الإثنين يناير 30, 2012 4:12 pm

وحشتني قصتك يا حودة قلت اجي اشوفها تاني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كهربني يا دكتور كهربني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الله الرسول محمد الاسلام :: القسم الادبي :: القـســــــــــم الادبـــى :: قصص قصيرة-
انتقل الى: