الله الرسول محمد الاسلام

الله الرسول محمد الاسلام

مرحبا بكم في منتديات اصحاب ولا
 
الرئيسيةمكتبة الصورالتسجيلدخول

شاطر | 
 

 تعالوا نتعلم الرومانسية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
juleat

avatar

عدد الرسائل : 640
العمر : 33
نقاط : 10248
تاريخ التسجيل : 14/02/2009

مُساهمةموضوع: تعالوا نتعلم الرومانسية   السبت مارس 28, 2009 3:00 am


خلينا نتعلم شوية رومانسيات من حياة النبى
قبل ما نبدأ قصص الحب
اللي استمرت حتي في أخر لحظات حياته قبل موته صلي الله عليه و سلم
حبة ابتدي بمقولة لسيدنا عمر بن الخطاب
وقال عمر بن الخطاب رضي الله عنه : ليعجبني الرجل أن يكون في أهل بيته كالصبي ، فإذا ابتغي منه وُجد رجلا

خلينا نتخيل اننا روحنا زيارة لبيت الرسول صلي الله عليه و سلم
عشان نشوف يا تري بيعمل ايه؟؟
كان في مهنة اهله
و كان بخف نعله و يرقع ثوبه و يحلب الشاة
تخيل؟؟
الرسول بيعمل كدة
مقلش انا مش فاضي
رغم انه لو كان قالها كان حقه
يعني لو طبقنا دة علينا دلوقتي
مفيش مشاكل تقوم تعمل كوباية شاي
مراتك تعبانة
ساعدها
و شوف هي حتحطك فى عنيها ازاي بعد كدة؟؟

كان الرسول بيدلع السيدة عائشة
يقولها يا "عائش"
كان اسامي الدلع في الوقت دة كدة
كانت لما تحس بوجع في رأسها و تقول" وارأساه"
تخيل كان يرد عليها يقولها ايه
لما كان يشوفها كدة
كان يقلها" بل انا وا رأساه"
تخيل بيـتألم لألمها

تخيل الرسول, القائد العظيم و المعلم قاعد وسط الصحابة و بعيدن سأله احد الصحابة
مين احب الناس ليك؟؟
قالهم"عائشة"
متكسفش انه يقولهم اني بحب مراتي
و متكسفش انه ينطق اسمها
مقالهمش "المدام" و لا "الجماعة"
قالهم "بكل بساطة "عائشة"

لما كان بيطلع اي رحلة و ياخد معاه زوجاته
لما كانت تحب تركب الجمل
كان الرسول صلي الله عليه و سلم
ينزل و يتني ركبته
اكنها سلم
عشان زوجته تطلع عليها و تركب الجمل
صلي الله عليه و سلم
يعني بلغة زماننا دلوقتي
بفتح لزوجته باب العربية
و لم يكن يخجل

كان بيقل للسيدة عائشة و كانت احب الناس لقلبه كلام حب
لم يكن يخجل او يشعر ان دة ضعف
و دة الرسول
و كان يستمع لاحديثها برغم طولها و لم يكن يمل
او يقول انا مشغول او تعبان
زي دلوقتي
صلي الله عليه و سلم

تخيل الرسول صلي الله عليه و سلم فضل وفي للسيدة خديجة لحد ما مات
مين دلوقتي عنده الوفاء دة لزوجته او حبيبته
رغم ان الرسول تزوج بعدها
لكنه ابدا لم ينسها
و بقيت في قلبه
يبكيها
سنين بعد وفاتها لحد ما مات
لدرجة انه اي حد كان يأتي من اقاربها او معارفها كان يكرمه اكراما شديدا حبا و وفاءا لها


تخيل لما كانت السيدة عائشة تبقي حائض
و في الوقت دة نفسية المرأة بتبقي هشة جدا و محتاجة حنان و رعاية شديدة من زوجها و حبيبها
كانت لما تشرب ماء
كان الرسول ياخد الاناء اللي شربت منه و يدور علي موضوع شفتيها
و يشرب منه
والله اخر رومانسية


و الرسول كان بيحاول يعلم الرومانسية دي للمسلمين عشان يطبقوها مع زوجاتهم
فيقول الرسول (صلى الله عليه وسلم) : (حتى اللقمة تضعها في فم زوجتك، فلك بها أجر

يعني تعملها بحنية و رومانسية تاخد عليها اجر
بدل ما تعايرها بيها و انك بتنفق عليها رغم ان دة فرض عليك

كان صبور جدا مع زوجاته
عن أنس رضي الله عنه قال : "ما رأيت أحداً كان أرحم بالعيال من رسول الله (صلى الله عليه وسلم) "."فو الله إن أزواج النبي (صلى الله عليه وسلم) ليراجعنه وإن إحداهن لتهجره اليوم حتى الليل
تخيل
كان بيتحمل
مكنش بيقولهم"ناقصات عقل و دينط
و للأسف دة حديث ناس كتير فاهمينه غلط
و لا كان بيضربهم
كان بيصبر و بيعدي


كان بيجري
و يسابق السيدة عائشة في فسحة عندهم ظهر البيت
لم يكن يخجل من دة ابدا


مرة الرسول صلي الله عليه و سلم
كان عند السيدة عائشة
و جاله بالليل احد الصحابة ان ف حاجة ضروري و لازم الرسول يشفها
فالرسول صلي الله عليه و سلم طلع
و اتأخر
فالسيدة عائشة غارت لانها افتكرت انه ممكن يكون راح عند احد زوجاته
السيدة عائشة زوجة الرسول
يعني ام من امهات الموؤمين و واخدين منها جزء كبير من الاحاديث و فقه ديننا
بس غارت انها امرأة
عملت ايه؟؟
لبست و طلعت وراه
المهم و هي ماشية شافته جاي
خافت انه يشوفها
فاسرعت و رجعت بسرعة البيت و غيرت ملابسها
المهم ان الرسول لقاها بتنهج ففهم الموضوع
تفتكر لو دلوقتي حد مراته عملت كدة؟؟
رقبته مرة او فتشت موبايله بداع الغيرة
حيتصرف ازاي؟؟
عارف الرسول عمل ايه
عاتبها عشان يوضحلها خطأها و بس كدة
بس كدة


حتي في ايام مرضه وقت لما كان يحتضر
كان حابب يبقي عند السيدة عائشة
فاستـاذن زوجاته
الرسول؟؟
بيستأذن زوجاته؟؟
دة رجل؟؟
و مين رسول؟؟؟؟
و بيستأذن؟؟

عارفين لما مات صلي الله عليه وسلم مات ازاي؟؟
مات و هو بيصلي و هو بيسجد؟؟
لأ مات في حضن حبيبته السيدة عائشة
تخيل؟؟
مات و راسه علي صدرها
صلي الله عليه و سلم

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Romeo
مشرف عام
avatar

عدد الرسائل : 628
العمر : 33
نقاط : 10238
تاريخ التسجيل : 12/01/2009

مُساهمةموضوع: رد: تعالوا نتعلم الرومانسية   السبت مارس 28, 2009 11:03 am

رسولنا الكريم صلى الله عليه وسلم هو قدوتنا جميعا في كل شئ فيجب ان نقتدي به ايضا في الحب والرومانسيه وبعض الناس من المتشددين يعتقدون ان هذه المسائل محرمه وانه لايوجد شئ اسمه حب ولكنك ضربتي اروع الامثله لكي نتعلم جميعا كيف تكون الرومانسيه الحقيقيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
juleat

avatar

عدد الرسائل : 640
العمر : 33
نقاط : 10248
تاريخ التسجيل : 14/02/2009

مُساهمةموضوع: رد: تعالوا نتعلم الرومانسية   الأحد مارس 29, 2009 6:25 am

يسلملى مرروك وفعلا احنا لازم نقتدى برسول الله
اللهم صلى وسلم وبارك علية
ونحاول نتعلم الحب بجد من تصرفاتة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعالوا نتعلم الرومانسية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الله الرسول محمد الاسلام :: الفئة الأولى :: احلا الكليمات :: . اتكلم براحتك-
انتقل الى: