بتحلم بإيه؟؟؟

فكرة حلوة اوي اني اعبر عن احلامي بين صحابي
والاحلي انهم ممكن يشركوك الحلم ده
وانا كمان احلامي كتير ومنها واقعي ويمكن تنفيذه وفي منها خيالي ومن الصعب تنفيذه
الي سهل تفيذه هو اني اتجوز الانسان الي بحبه واعيش معاه الدنيا بحلوها ومرها المهم اني اكون معاه والحمد لله بدانا اول خطوة في تنفيذ الحلم ده وهو خطوبتنا الي اتمنناها وقت طويل والحمد لله قدرنا نحققها
وان شاء الله نكمل علي خير ونحقق الحلم الصغير ده والي بجد بالنسبة ليا الدنيا وما فيها
حلمي التاني اني نفسي احقق حاجة لذاتي .انا دخلت معهد مكنتش هو ده الي بتمناه ابدا وكان طموحي اكبر من كده بس بحاول دلوقت احقق ده بحاول ادرس في المجال الي بحبه الكمبيوتر والنت والجرافيك والحاجات دي بحاول اتعملها لوحدي وان شاء الله هكملها بالدراسة لان نفسي ان شاء الله لما اتقن الحكاية دي افتح شركة دعاية واعلان وتبقي شركة معروفة واحقق فيها نجاح يفتخر بيه اهلي واسرتي بعد لما خيبت املهم في الدراسة اني ادرس في الهندسة زي ما كنت بتمنا وكنت وعداهم لان كنت طول عمري بحلم وانا صغيرة اني اكون مهندسة ديكور بس محصلش نصيب للاسف والغلط مني انا
وحلمي كمان اني بعد 3 سنين ادخل دراسات حرة كلية اعلام قسم صحافة وبصراحة بقي دي من الاحلام الخيالية لان وقتها ان شاء الله بأذن الله هكون اتجوزت ويمكن كمان هكون خلفتت وطبعا من الصعب وقتها فكرة السفر كل فترة والمذاكرة وانا ورايا مسؤلية تانية اهم واكبر

بس بصراحة طموحي كبير في حاجات كتير وبحلم بحاجات كتير اوي اوي اوي
يارب حققلي احلامي ووفقني الي ما تحب وترضي