كلام بنات بتقولوا للشباب في التليفون .. تعالوا اسمعوا

ردا علي موضوع العضو
(أحمد صالح)

1-حبيبى انت عارف انا مش بحب حركات الشباب الطايش انا اصلا مبكلمش

ولاد انت اول حد في حياتي
( وتلاقى طوب الارض يعرفها)

2-يااااه حاسه انى اعرفك من زمان
(وهي تلاقيها متلخبطه بينه وبين ولد كانت
تعرفه قبل كده)

3-يااه يا حبيبي حاسه ان فيك حاجه غريبه غير كل الولاد
(تقصد الولاد الي عرفتهم
قبله )

4-يااااااااااااه حاسه ان فى شبه كبير بين افكارى و افكارك احنا اكيد مخلوقين لبعض
(طبعا ده الولد رقم 100 اللى بتقوله كده اكن يا عينى هو راكن الفيل بره )

5-ياااه انت كنت فين من زمان يا رتنى كنت عرفتك من زمان
( قصدها قبل اللي عرفتهم)

6-يااه يا حبيبي انت تؤمر وانا انفذ اللى انت عايزه اسمع كلامك
(فى المشمش)

7-حبيبي القميص اللى انتى لبسه ده تحفه بس متلبسهوش تانى عشان بتبقى حلو واقفل الزرار الاخير علشان
بغيييييير بغيييييييييير
(طبعا فاهمين الحركات دى مش محتاجه تعليق)

8-هتكلم بابا اول ما تجهز (ويندب المغفل)

9-عايز اشوفك كل يوم كل ساعه كل ثانيه
(عشان تطمن انه مش هايعرف يطير من ايديها)

10-حبيبي افتكر دايما انى لما بحب بحب بجد وانا حبيتك(واول مره احب)
Who I'd Like To Meet

11-انا علاقتى بيك لازم يعرفها غيرى و غيرك وربنا لانك بقيت كل
حياتي
(يعنى يا دوب اللى يعرفو ابوها وامها
والناس لا علشان لو طار تضمن حد تاني )

12-انا ماما ها تجبلي عربيه لما اتخرج
(وهى اساسا بتركب الاتوبيس بالعافيه)

13-انا كل عطورى من فرنسا
(ايوه قصدها التركيب في قزايز من فرنسا )

14-ياه لما بشوف رقمك على الموبيل قلبى بيتنفض
(طبعا من الخضه لانها بتكون بتكلم حد تاني)

15-في واحده قالتلي انك كنت تعرفها وبتقابلها قبل كده
( ياااااه على الكذب وهى اللي كانت مع واحد تاني امبارح )

16-حبيبي عايزه صورتك عشان قبل مانام اتشاهد فى جمالك واحطها تحت المخده
( لا والله علشان ترصها جنب اخوتها من اللي عرفتهم ومتنساش شكله علشان اللخبطة بينه وبين بقيت المواعيد )

17-اسفه يا حبيبي امبارح مقدرتش اكلمك كنت مشغووووله فى الدراسه
( قصدها كانت بتكلم مغفل جديد )

18-اسفة يا حبيبي انى مقدرتش اجى فى المعاد امبارح كان عندى ظروف صعبه
(معزوره افتكرت معاد المغفل التاني اللى بقاله اسبوع ماخرجتش معاه ماهو حقه هو كمان )

19-عارف يا حبيبي انا طول الليل منمتش قاعده بفكر فيك
(بس على ميين)

ترد عليه تقوله كنت نايمه و مبردش على التليفون؟بس كالعاده الرد
جاهز
(ياااه انتى تقصد الخمس دقايق اللى نمتهم دوول؟دول من كتر التفكير
فيك جالى غيبوبه)

20-عارف يا حبيبي انا اصلا مش بفتح الماسنجر الا لما بتكون موجود اصلا انا مش بدخل الا علشانك
(تقصد مش بتفتح البلوك عنه الا لما بينام)

SORRY GIRLS BUT IT IS THE TRUE

هههههههههههههههههههههههههههههههه فعلا والله الكلام دا حقيقى الاكيد بردة ان مش الكل ومش بقول كدة علشان انا بنت لا لان لكل قاعدة شواذ اكيد.. كمان احمد يامونى قال 99% لكن انتى كدة قلتى الكل فضحتى البنات حرام عليكى مع ان تحيزك المفروض يكون ليهم

جمده موت فعلا هما بيقولوا كده
وعلى كل الشباب ميخدوش الكلام ده بجد
بس انا عندى سؤال بيطرح نفسه
لما احمد صلاح يقول الشباب للبنات الكلام ده ولازم البنات ميخدوش كلام الشباب بجد وكذلك عند
mony moon
الشباب ميخدوش كلام البنات بجد
كلام مين الى هنصدقة
؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟

juleat كتب:: هههههههههههههههههههههههههههههههه فعلا والله الكلام دا حقيقى الاكيد بردة ان مش الكل ومش بقول كدة علشان انا بنت لا لان لكل قاعدة شواذ اكيد.. كمان احمد يامونى قال 99% لكن انتى كدة قلتى الكل فضحتى البنات حرام عليكى مع ان تحيزك المفروض يكون ليهم

لا انا مش بتحيز لحد انا صريحة ي جوليت ولازم اقول الحقيقة
انا معنديش رمادي
يا ابيض يا اسود
هههههههههههههههههههههههههههههههههه
يسلملي مرورك يا قمراية

أيمن محمد السيد صالح عيد كتب:: جمده موت فعلا هما بيقولوا كده
وعلى كل الشباب ميخدوش الكلام ده بجد
بس انا عندى سؤال بيطرح نفسه
لما احمد صلاح يقول الشباب للبنات الكلام ده ولازم البنات ميخدوش كلام الشباب بجد وكذلك عند
mony moon
الشباب ميخدوش كلام البنات بجد
كلام مين الى هنصدقة
؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟

فعلا يا ايمن Question

سؤال بيطرح نفس
بس عندي اجابة صغنونة
متصدقش غير كلام العقل الواضح ومش متزوق
وده من الاخر

موضوع حلو وبياكد الموضوع اللي قدمه احمد وكلام كتير اتكرر هنا وده معناه ان نفس الاسطوانات المحروقه البنات اتعلموها وبقو يقولوها للولاد وانا عن نفسي سمعت كلام من ده كتير بس زمان لما كنت لسه صغير وطيب وعلى نياتي لكن دلوقتي خلاص مش باكل من الكلام ده

هههههههههههههههههههههههههههههههههههههههه لا جميله ياصلاح وطبعا اتعلمت دلوقتى الحمد لله ازاى تتكلم معاهم وتديهم فوق الامل وباقم هما اللى بياكلوا من الكلام ده طول عمرك برنس يابنى

انت من امتى بقيت مشرف عام ؟؟؟؟

أولا انا اسمى أحمد صلاح مش صالح
ثانيا موضوع جميل نكمل بيه سلسلة الكذب والخداع بين الطرفين
ونتعلم منه لما نختار شريك حياتنا نختار انسان صادق بيتكلم من قلبه مش بيسمع اسطوانات
شكرا يا مونى مون

» فاتورة التليفون
» تعالوا نسامح بعض
» تعالوا نتعلم الرومانسية
» دفاعا عن المرأه
» كلام فى الحب