بعض او اغلب الناس فى مجتمعنا بتمشى تبع مبدا" امشى جنب الحيطة اسلم" فمتعرفوش هما بيخافوا من الكلام ولا بيخافوا على حالهم ومسئولياتهم فيقولوا اسلم نمشى جنب الحيطة بدل ما نقعد نتخبط فى الناس وتحصلنا مشاكل احنا منقدرش عليها لكن لو جينا فكرنا هنلاقى ان الحكاية دى تضر اكتر ما بتنفع ازاااااى؟
المشى بين الناس احسن على الاقل هقعد اتخبط فيهم لغاية اما اقدر ابص يمين وشمال وامشى عدل عشان متخبطش فى حد تانى لكن لو ماشى جنب الحيطة وحد خبطك وزقك هتتخبط فى الحيطة وتبقى النتيجة اما تدوخ او تقع من طولك او على الاقل هتتوجع، فالمشى وسط الناس اسلم على الاقل لما اجى اخد حقوقى واى حاجة عايزاها هلاقى الناس جنبى، معايا، فى وسطهم بدل ما الاقى الحيطة وده وصف بسيط للحكاية ممكن نقوله كده
مش بيجيب الخير المشى جنب الحيطة
والناس اللى بتفكرفيه دول ناس مش حويطة
دول ناس خايفة ومستسلمة مش بتاخد الحذر والحيطة
من الناس اللى ممكن تخبطها فى قلب الحيطة
عارفين الناس دول بتوع حاورينى يا طيطة
وشايفة الناس اللى بتلعب عليهم عبيطة
وليه كل ده ما امشى مع الناس المحيطة
واسالوا نفسكوا ..امشى مع اللى حواليا احسن ولا امشى جنب الحيطة؟؟؟؟